A Secretaría Xeral da Emigración anima ás mozas e mozos galegos do exterior que conten cunha formación universitaria a solicitar unha Bolsa de Excelencia Mocidade (BEME) para facer un máster o próximo curso nas universidades galegas, tendo en conta que en breve abrirase a nova convocatoria.

María Valverde, estudante bolseira BEME da Universidade de Vigo na actualidade, retornada do Reino Unido, anima aos posibles candidatos e candidatas a preparar a súa documentación para poder optar a unha destas bolsas que permiten mellorar a súa formación en Galicia de cara á busca dun futuro emprego.