Revistas dos Centros Galegos

  • La Revista de AEGAMA, Nº 24 - Verán 2018
    La Revista de AEGAMA, Nº 24 - Verán 2018 - 2018 - Asociación de Empresarios Gallegos en Madrid (AEGAMA)

    Número 24 (verán de 2018) de La Revista de AEGAMA, que edita a Asociación de Empresarios Gallegos en Madrid (AEGAMA). Atopamos, ademais do saúda do presidente da entidade, Julio Lage González, unha entrevista con Rosalía Gonzalo, consejera de Transportes, Vivienda e Infraestructuras da Comunidade de Madrid; reportaxes sobre a Asamblea Xeral Ordinaria da entidade, a apertura de actividades da Academia Xacobea,  a elección de Patricia García González como presidenta do Círculo de Empresarios de Galicia, e de Manuel Baltar como presidente de “Partenalia” (asociación europea de gobernos provinciais), o Vº Encontro de Empresarios Galegos no Mundo; e artigos sobre o investimento en Cuba, o incentivo por parte da Xunta de Galicia para a compravenda de solo industrial etc.

  • O Hórreo, Nº 24 - 2018
    O Hórreo, Nº 24 - 2018 - 2018 - Centro Cultural e Social "Airiños da Nosa Galicia"

    Número 24 (maio 2018) da revista O Hórreo do Centro Social e Cultural 'Airiños da Nosa Galicia' de Santa Coloma de Gramenet. Contén, ademais dos saúdas institucionais do presidente da entidade, Xosé Canosa, o da Xunta de Galicia, Alberto Núñez Feijóo, e a alcaldesa de Santa Coloma, Núria Parlón i Gil, cadanseu especial sobre o Día das Letras Galegas 2018 e sobre a pintora galega Maruja Mallo; reportaxes fotográficas das actividades do Centro ao longo do último ano; e artigos de opinión e culturais sobre Galicia etc.

  • Nova Andaina, Nº 35 - 2018
    Nova Andaina, Nº 35 - 2018 - 2018 - Casa de Galicia en Santurtzi

    Número 35 (2018) da revista Nova Andaina da Casa de Galicia en Santurtzi. Ademais dos saúdas do presidente da entidade e autoridades galegas e vascas, recolle a homenaxe a José María Alfonso García "Muíño" realizada en Melide; unha escolma das numerosoas actividades desenvolvidas ao longo do ano polo centro galego na vila biscaíña: a Vª Feira do Día das Letras Galegas, actuacións da Corxa Airiños Galegos Doce Albor, Entroido, Magosto, viaxes, conferencias, campionatos e cursos, sección de poemas, a participación no XXIII Día de Galicia en Euskadi etc.

  • A Nosa Eira, Nº 3
    A Nosa Eira, Nº 3 - 2018 - Centro Galego de Valencia

    Nº 3 (de maio de 2018) da revista A Nosa Eira, publicación do Centro Galego de Valencia. Neste terceiro número atopamos un especial sobre o Día das Letras Galegas 2018, dedicado na presente edición a María Victoria Moreno; a celebración do Día de Rosalía 2018; as actuacións da Banda de Gaitas Celturia; exposicións; a oferta de cursos e obradoiros; e un percorrido polas distintas actividades sociais e culturais desenvolvidas pola entidade ao longo deste período,  información para asociarse etc.

  •  Xurdimento, Nº 31
    Xurdimento, Nº 31 - 2018 - Centro Galego de Lleida (Casa de Galicia)

    Número 31 (febreiro de 2018), da revista Xurdimento do Centro Galego de Lleida. Inclúe, ademais dos saúdas das autoridades, unha entrevista con Meritxell Terceiro Cañadell; o obituario de Luis Trigo Domínguez; un artigo sobre os 35 anos da Federación de Casas y Centros Regionales de Lleida; artigos de actualidade, culturais, de viaxes e opinión; e a memoria das actividades sociais e culturais desenvolvidas polo centro ao longo de 2017, con atención especial á Semana Cultural que anualmente organiza a entidade, e a revista de prensa correspondente a este período.

  • Cova Céltiga, Año XXIV, Nº 133, Enero-Febrero 2018
    Cova Céltiga, Año XXIV, Nº 133, Enero-Febrero 2018 - 2018

    Número de xaneiro-febreiro de 2018 da Cova Céltiga, cunha referencia sobre a visita do ministro de Xustiza do Goberno de España, Rafael Catalá Polo, a Cuba; un artigo sobre a estatua a José Martí no parque Granell de Santiago de Compostela; a presentación do libro de Carlos Gegúndez López De La Habana a Pontevedra. Tras los pasos del Colón gallego; o recordo da Feria Internacional del libro de La Habana de 2018, na que Galicia foi invitada de honor; as xuntas xerais de socios/as de entidades como o Centro Unión Orensana de La Habana; Pontedeume y su Partido Judicial; Hijos de A Estrada; Taboada, Chantada y Portomarín; Unión de Baleira; Hijos del Ayuntamiento de Buxán etc.

  • Anduriña, Nº 85
    Anduriña, Nº 85 - 2017 - Lar Gallego de Sevilla

    Número 85 (de decembro de 2017) da revista Anduriña, publicación do Lar Gallego de Sevilla. Recóllese unha reportaxe sobre Publicaciones de la Comunidad Gallega en la emigración. Anduriña, la voz de los gallegos en Sevilla, a tese de doutoramento de Marián Campra García de Viguera, directora da revista da entidade galega na capital andaluza; tamén, a celebración do 59º aniversario da primeira sede; entrevistas a diversos persoeiros como a xornalista Julia Otero; José Manuel Rodríguez González, presidente do Consello Regulador da D.O. Ribeira Sacra; ou Francisco Javier Fernández Hernández, consejero de Turismo y Deporte da Junta de Andalucía, ademais das as habituais seccións de Cultura, a actividade no Lar, Opinión etc.

  • Saudade, Nº 14
    Saudade, Nº 14 - 2017 - Agrupación Cultural Saudade

    Nº 14 (decembro de 2017) da revista Saudade da Agrupación Cultural Saudade de Barcelona. Contén os saúdas dos presidentes da entidade, Eduardo Méndez Gómez; da Xunta de Galicia, Alberto Núñez Feijóo; e do Parlamento de Galicia, Miguel Santalices. Tamén, artigos sobre o Día das Letras Galegas 2017 -dedicado a Carlos Casares-; Camilo José Cela; os museos Etnográfico e Xeológico do Concello de Quiroga; José Fontenla Leal; o Museo da Emigración de Galicia; o 'Recuncho dos socios', cun especial sobre o 35º aniversario do centro e o repaso polas moitas actividades desenvolvidas pola entidade ao longo do ano; as obras gañadoras dos concursos literarios e artísticos, etc.

  • Carballeira, Nº 13, Ano XIV
    Carballeira, Nº 13, Ano XIV - 2017 - Centro Galego de Castelló O Aturuxo

    Número 13 (2017) da revista Carballeira que edita o Centro Galego de Castelló "O Aturuxo". Atopamos os saúdas institucionais do presidente da entidade, Xosé Filgueira, e das distintas autoridades (Alberto Núñez Feijóo, Ximo Puig, Miguel Santalices, Javier Moliner Gargallo, Amparo Marco Gual, Antonio Rodríguez Miranda e Aitana Mas Mas); os obituarios de Fernando Amarelo de Castro -quen fora secretario xeral de Relacións coas Comunidades Galegas-, Paco Souto e Xoana Torres; un especial sobre o Día das Letras Galegas 2017 e 2018; reportaxes sobre as moitas actividades organizadas e/ou participadas pola entidade; artigos sobre a fundación do primeiro Centro Galego de Castelló (1937), a aparición da vila de Noia como Portus Apostoli, etc.

  • Libredón, Nº 64
    Libredón, Nº 64 - 2017 - Centro Gallego de Santander

    Número 64 (2017) da revista Libredón do Centro Galego de Santander. Ademais dos saúdas do presidente da entidade e das autoridades galegas e cántabras, atopamos o fallo do XVII Concurso literario Julio Camba e a publicación da obra gañadora do primeiro premio; a memoria das moitas actividades realizadas polo Centro ao longo do ano: varios ciclos de conferencias, presentacións de libros, a Semana Cultural das Letras Galegas, cursos (gaita galega, debuxo, novas tecnoloxías etc.), excursións e xantares sociais, as actuacións do grupo de gaitas 'Airiños da Terra'; a asemblea xeral ordinaria 2017; e as seccións de colaboracións, cociña etc.

Páxinas