A Secretaría Xeral da Emigración recorda que continúa aberta a nova convocatoria das Bolsas Excelencia Mocidade Exterior (BEME) que permite que mozas e mozos galegos do exterior que conten cunha formación universitaria poidan optar a facer un máster o próximo curso nas universidades galegas.

Aarón Navia, estudante bolseiro Beme da Universidade de Santiago de Compostela no campus de Lugo na actualidade, retornado de Ecuador, onde traballou como actor, anima aos posibles candidatos e candidatas a preparar a súa documentación para poder optar a unha destas 250 bolsas que permiten mellorar a formación en Galicia de cara á busca dun futuro emprego.