O Lar Gallego participou en diversos actos do Nadal e na Festa de Reis de Santiago de Chile

O Coro da entidade galega na capital chilena tivo senllas actuacións os días 21 e 29 de decembro, co gallo das celebracións do Nadal en Santiago.

O día 5 de xaneiro, na Festa de Reis celebrada na parcela Las Tragarizas (comuna de Colina) da capital, actuaron os gaiteiros e bailaríns do grupo folklórico deste centro galego radicado en Santiago de Chile.

  • O Coro da entidade galega na capital chilena actuou na última misa do 2013 celebrada na capela do Estadio Español
    O Coro da entidade galega na capital chilena actuou na última misa do 2013 celebrada na capela do Estadio Español
  • O Coro da entidade galega na capital chilena actuou na última misa do 2013 celebrada na capela do Estadio Español
    O Coro da entidade galega na capital chilena actuou na última misa do 2013 celebrada na capela do Estadio Español
  • No concerto de Nadal, celebrado no Estadio Español Las Condes, interpretaron “O Nadal de Luintra” e “A Estrela'
    No concerto de Nadal, celebrado no Estadio Español Las Condes, interpretaron “O Nadal de Luintra” e “A Estrela"
  • Os gaiteiros e bailaríns do Lar Gallego de Chile amenizaron a Festa de Reis celebrada en Las Tragarizas (comuna Colina)
    Os gaiteiros e bailaríns do Lar Gallego de Chile amenizaron a Festa de Reis celebrada en Las Tragarizas (comuna Colina)
  • Os gaiteiros e bailaríns do Lar Gallego de Chile amenizaron a Festa de Reis celebrada en Las Tragarizas (comuna Colina)
    Os gaiteiros e bailaríns do Lar Gallego de Chile amenizaron a Festa de Reis celebrada en Las Tragarizas (comuna Colina)
Listen to this page using ReadSpeaker
Santiago de Chile, 8 de xaneiro de 2014.

O Coro do Lar Gallego participou o sábado 21 decembro do Concerto de Nadal xunto a outras colectividades e institucións hispanas, no Parque Alameda de Estadio Español de Las Condes, onde se montou un atractivo escenario. Estiveron presentes o Taller de Folklor Chileno Nueva Extremadura, Agrupación Musical Castellano-Leonesa, Coro Riojano, Coro Gallego, Coro Asturiano, Agrupación Musical Madrileña, Agrupación Musical Juvenil del Estadio Español, Tuna del Estadio Español, Coro Vasco e o Coro Juan del Encina.

Todos os conxuntos corais interpretaron fermosos vilancicos e o Lar Gallego entoou O Nadal de Luintra e A Estrela. Este evento despediuse coa tradicional peza musical Noite de Paz, cantada polos diferentes grupos.

E para finalizar a tempada 2013, o domingo 29 de decembro, o Coro do Lar Gallego, cantou na última misa do ano na capela do Estadio Español, á que concorreron persoas das diferentes comunidades españolas de Santiago de Chile.

Día de Reis en Santiago de Chile
Con moito entusiasmo levouse a cabo a Festa de Reis en Santiago de Chile. Nesta ocasión asistiron máis de 300 persoas á devandita celebración na parcela Las Tragarizas de la Familia Vásquez González, na comuna de Colina.

En cada tempada, a comunidade de Chaguazoso esmérase por promover esta actividade e facela atractiva para as e os asistentes que, na súa maioría son descendentes de galegos e galegas, familiares, amigos e amigas e por certo, son acompañados por persoas doutros colectivos españois entusiasmados por participar dun evento tradicional, interesante e diferente.

Os encargados e anfitrions de realizar o evento este ano, foron Nicolás González Puntarelli (Rei) e Víctor Cifuentes Domínguez (Virrei). O Lar Gallego estivo presente con gaiteiros e bailarins que amenizaron este entretido encontro costumista en Santiago.

Ao final do día elixíronse os novos reis, aos cales lles corresponderá xestionar e levar a bo termo a próxima festa, para o ano 2015 foron escollidos: Arturo Vásquez González (Rei) e Alfredo Sierra Herrero (Virrei), que recibiron o traspaso do sombreiro con moita alegría, xunto aos seus pais e nais, familiares e amizades.

1328 lecturas