O Ciclo Mestre Mateo xorde da colaboración entre a Secretaría Xeral da Emigración, a Academia Galega do Audiovisual e as entidades galegas do exterior que permitirá achegar o cine feito en Galicia e, en concreto, os mellores filmes nas categorías de Mellor Longametraxe, Mellor Longametraxe de Animación e Mellor Documental dos XXI Premios Mestre Mateo aos galegos e galegas residentes fóra de Galicia.

As entidades que organizarán as proxeccións da terceira edición do Ciclo Mestre Mateo 2025, que se proxectarán de xuño a novembro, de xeito que se poida dar a coñecer na Galicia do exterior o labor do sector audiovisual galego, serán as seguintes:

• Centro Galego de Castelló "O Aturuxo"
• Centro Galego en Burgos
• Centro Galego de Barcelona
• Centro Gallego Zaragoza
• EmigraSON Bruxelas
• Centro Cultural y Recreativo Alma Gallega (Montevideo)
• Casa de Galicia de Córdoba (Arxentina)
• O Noso Lar (República Dominicana)

Pinchar no seguinte enlace, para coñecer as longametraxes e as longametraxes documentais, do Ciclo Mestre Mateo 2025.

Na seguinte táboa, poderase consultar o lugar, o día e a hora de proxección dos filmes.