A Secretaría Xeral da Emigración da Xunta organizou no Centro Gallego de Mar del Plata uns cursos sobre gastronomía impartidos polo profesor Francisco Romero Díaz, natural de Fene.

Os socios e socias da entidade asistiron e gozaron durante 10 días das clases teóricas e prácticas desenvolvidas con todos os elementos e materias primas necesarias.

O mestre do curso recibiu a súa formación gstronómica na escola Fraga do Eume, en Pontedeume, e na actualidade forma parte dun centro de formación profesional en Ferrol.

Os pratos preparados levaban como ingredientes principais produtos típicos galegos como mexillóns encapotados, caldo, cocido, vieiras con xamón ou polbo á feira.

Ao final de cada xornada degustábanse os produtos típicos e o profesor do curso aproveitaba para contestar ás preguntas e dúbidas que xurdían entre o alumnado.

Fotos: Galicia Digital