Miranda recibe á presidenta do Lar Galego de Pamplona salientando un importante impulso pola cultura e gastronomía galega
O secretario xeral da Emigración, Antonio Rodríguez Miranda, recibiu a María Jesús Rodríguez, presidenta do Lar Galego de Pamplona, con quen fixo balance das actividades realizadas por esta entidade durante o presente ano.
Miranda salientou o traballo realizado pola cultura galega pero, nesta ocasión, quixo destacar o impulso que o restaurante “La lonja del Lar Gallego”, recentemente instalado na sede do centro, outorgou á promoción e divulgación da gastronomía galega, converténdose nun referente da capital navarra.
Por último, o secretario xeral tamén quixo trasladar á directiva, a través da súa presidenta, o esforzo realizado nos últimos anos, pondo como exemplo o fito de conseguir que unha praza do concello pamplonés, a finais do ano 2022, fose denominada Rosalía de Castro e que, ademais desta denominación, conte cun busto da destacada escritora. Un logro que contou coa colaboración das autoridades pamplonesas e da propia Xunta de Galicia.
Novas relacionadas