O secretario xeral da Emigración, Antonio Rodríguez Miranda, mantivo unha reunión con María Jesús Rodríguez, presidenta do Lar Galego de Pamplona, e Jacobo Ruibal, tesoureiro da entidade, onde se avaliaron as accións desenvolvidas por esta entidade ao longo do último ano. Durante o encontro, Miranda destacou a importancia das iniciativas culturais levadas a cabo polo Lar Galego, subliñando o papel esencial que desempeñan na preservación e promoción da identidade galega fóra de Galicia, precisamente nas vísperas do 75º aniversario da entidade.

Nesta reunión, tamén se exploraron novas vías de colaboración entre a Secretaría Xeral da Emigración e o Lar Galego de Pamplona, coa finalidade de reforzar os lazos culturais e sociais entre Galicia e a comunidade galega en Navarra. Miranda expresou o seu compromiso de seguir apoiando ás entidades galegas fora de Galicia, asegurando que a Xunta de Galicia continuará traballando para potenciar o papel destas asociacións como embaixadoras da cultura e tradicións galegas no mundo.