O secretario xeral da Emigración, Antonio Rodríguez Miranda, recibiu a María Jesús Rodríguez, presidenta  do Lar Galego de Pamplona, quen lle deu traslado das iniciativas que o centro está a preparar para a promoción da cultura galega en Navarra durante o próximo ano, 2024. Esta entidade converteuse o pasado mes de setembro en novo membro da Comisión Delegada do Consello de Comunidades Galegas.

Miranda agradeceu a María Jesús Rodríguez o traballo que a prol da galeguidade se está a realizar dende esta entidade que, recentemente, logrou que unha praza do concello de Pamplona puidese levar o nome da nosa poetisa universal, Rosalía de Castro. “Iniciativas así permiten que o nome de Galicia e dos nosos máis ilustres galegos soen en todos os lugares do mundo”, asegurou o secretario xeral da Emigración.