O secretario xeral da Emigración, Antonio Rodríguez Miranda, recibiu no seu despacho ao secretario xeral do centro galego A Nosa Galiza de Xenebra, Antonio Sánchez, con quen analizou a reactivación das actividades presenciais desta entidade trala mellora da situación da pandemia no país helvético.

Miranda e Sánchez analizaron así la planificación que está a preparar este centro de cara á posta en marcha de diversas iniciativas como novas xornadas de difusión de produtos galegos ou o inicio das actividades formativas presenciais e, en especial, á difusión do Camiño de Santiago durante os próximos meses e todo 2022 entre os galegos e galegas da Suíza.