O secretario xeral da Emigración, Antonio Rodríguez Miranda, recibiu esta mañá no seu despacho ao presidente do Centro Español Apóstol Santiago de Liechtenstein, Manuel Figueroa, con quen analizou a evolución das actividades que se están a realizar na entidade para a promoción da cultura galega así como as próximas iniciativas previstas para os últimos meses do ano.   

Con case 170 socios, o Centro Español Apóstol Santiago de Liechtenstein constituíuse no ano 1979, sendo un dos máis veteranos de Europa. A gran maioría dos galegos residentes neste principado son orixinarios da zona da Costa da Morte.