O presidente do Centro Galego de Montreal, Manuel Beiro, trasladoulle hoxe ao secretario xeral da Emigración, Antonio Rodríguez Miranda, o interese da entidade en desenvolver actividades de promoción para difundir o Camiño de Santiago na cidade canadense. Deste xeito, Miranda felicitoulle por esta iniciativa e trasladoulle o compromiso de colaboración nas mesmas do departamento que dirixe.

Ambos reuníronse na sede da Secretaría Xeral da Emigración para coñecer a situación da entidade e dos galegos e galegas do exterior que residen no Canadá, en especial, analizando as dificultades que experimentaron estes últimos anos por mor da pandemia.