O secretario xeral da Emigración, Antonio Rodríguez Miranda, mantivo nas últimas horas unha reunión coa presidenta da Irmandade Galega na Suíza, Ana María Mera, con quen analizou a posta en marcha dunha nova iniciativa de promoción do Xacobeo na contorna de Xenebra. 

Tal e como lle transmitiu Rodríguez Miranda a Ana María Mera, a Administración autonómica colaborará na iniciativa desta entidade exterior, centrada na vestimenta e na música tradicional galegas co obxectivo de dar a coñecer entre os veciños e veciñas deste cantón o Ano Santo compostelán así como a nosa cultura.