O secretario xeral da Emigración, Antonio Rodríguez Miranda, vén de recibir ao presidente do Centro Galego de Burgos, Ángel Ferreiro, para analizar a recuperación das actividades da entidade que volve ter a súas portas abertas. 

Deste xeito, Ferreiro aproveitou o seu paso por Santiago de Compostela para devolver a visita que o secretario xeral realizou a Burgos en maio deste ano para interesarse pola situación dos galegos e galegas residentes na comunidade de Castela e León.  Entre outros temas, tamén se abordou a posta en marcha de iniciativas en prol da difusión do Xacobeo 21-22, xa que Burgos é precisamente un dos puntos de referencia do Camiño Francés.