O secretario xeral da Emigración, Antonio Rodríguez Miranda, mantivo un encontro en Montevideo co embaixador de España no Uruguai, Santiago Jiménez Martín, na que lle trasladou as propostas da Xunta de Galicia para o impulso do retorno da colectividade galega, repasando tamén a a situación da colectividade galega e en particular das entidades que as agrupan, e que desenvolven un importante labor cultural e social.

O secretario xeral trasladoulle así a nova Estratexia Retorna 2026 (ERG2026) que ten como principal novidade ampliar o apoio e asesoramento laboral ás familias retornadas galegas. O novo documento baséase na experiencia da primeira Estratexia Retorna, que agora se verá duplicada tanto no orzamento inicial como nas medidas a aplicar polo conxunto de todos os departamentos galegos, que roldará ás 100 iniciativas, solicitando a colaboración da embaixada para chegar con estas medidas a todas as galegas e galegos do Uruguai que estean interesados en regresar a Galicia.