O secretario xeral da Emigración, Antonio Rodríguez Miranda, reuniuse con Jaime Cruña, secretario da Casa Galega O Noso Lar da República Dominicana. para abordar o futuro do centro galego na República Dominicana. Durante o encontro, Miranda animou aos galegos e galegas residentes neste país a continuar co camiño e rematar co proceso de refundación do centro, destacando a importancia de manter viva a cultura e as tradicións galegas na diáspora.

Miranda comprometeuse a visitar a illa, mostrando así o seu apoio e implicación coas iniciativas da comunidade galega na República Dominicana. Este compromiso reflicte a vontade da Xunta de Galicia de fortalecer os lazos coa emigración galega e apoiar a conservación da nosa identidade cultural fóra das nosas fronteiras.