O secretario xeral da Emigración, Antonio Rodríguez Miranda, mantivo unha reunión con Antonio Sánchez Espantoso, membro de orixe galega do Consejo de Residentes Españoles (CRE) na República Dominicana, con quen analizou a situación da colectividade española, e en concreto, a galega, neste país caribeño.

O secretario xeral animou á comunidade de galegas e galegos na República Dominicana a traballar xuntos para manter a cultura e tradicións galegas na illa. Tamén comprometeu o respaldo da Xunta para reforzar as actividades que desenvolvan ao longo dos próximos meses e a acompañalas e acompañalos proximamente nalgunha das mesmas.