Miranda anima ás e aos galegos da República Dominicana a sumarse á iniciativa de recuperación do centro galego da capital deste país

O secretario xeral da Emigración reuniuse con Antonio Sánchez e Eduardo Pahino na sede do departamento do Goberno galego.

Imaxe da reunión celebrada na sede da SXE nen Santiago de Compostela
Imaxe da reunión celebrada na sede da SXE nen Santiago de Compostela
Listen to this page using ReadSpeaker
Santiago de Compostela, 10 de xaneiro de 2024.

O secretario xeral da Emigración, Antonio Rodríguez Miranda, reuniuse cos representantes do Centro Gallego da República Dominicana, Antonio Sánchez e Eduardo Pahíno, e animou aos galegos e galegas da República Dominicana a sumarse a esta iniciativa.

No transcurso do encontro trasladáronlle as novidades sobre a nova posta en marcha desta entidade e compartiron os seus proxectos futuros así como a previsión das novas iniciativas e actividades para o ano 2024.

Durante a reunión, Miranda felicitounos polos avances conseguidos e ratificou o seu compromiso de colaboración de cara a conseguir un centro de referencia que promova  a cultura galega dende a capital da República Dominicana, onde residen actualmente 2.766 persoas de orixe galega.

424 lecturas