A subdirectora de Coordinación Administrativa, Económica e de Programas Sociais da Secretaría Xeral da Emigración, María Baleato, participou onte na presentación do novo número da revista Xurdimento do Centro Galego de Lleida.  

Esta actividade, que se engloba dentro da Semana Cultural desta entidade, reuniu a un bo número de socias e socios e colaboradores e colaboradoras do centro, e permitiu coñecer o contido desta revista que recolle as actividades e iniciativas realizadas polos galegos e galegas nesta provincia durante o último ano. María Baleato agradeceu o labor desenvolvido polo Centro Galego de Lleida dentro da promoción da cultura e lingua galegas en Cataluña.