O Centro Galego de Lleida presentou un novo número da súa revista "Xurdimento"

  • Imaxe da presentación do número 34 da revista da entidade galega na capital do Segrià
    Imaxe da presentación do número 34 da revista da entidade galega na capital do Segrià
  • Imaxe da presentación do número 34 da revista da entidade galega na capital do Segrià
    Imaxe da presentación do número 34 da revista da entidade galega na capital do Segrià
Presentación de "Xurdimento"
Listen to this page using ReadSpeaker
Santiago de Compostela, 2 de marzo de 2021.

No local social da entidade galega na capital do Segrià, e extremando as medidas de prevención hixiénico-sanitarias para evitar a propagación da covid-19, procedeuse á presentación en liña do número 34 da revista "Xurdimento" do Centro Galego de Lleida, que este ano estivo a cargo do subdelegado do Goberno de España en Lleida, José Crespín i Gómez, quen presentou este novo número nas tres linguas usadas polas e polos escritores da revista: galego, castelán e catalán, xesto moi ben acollido por todas e todos os asistentes. A continuación, o presidente do Centro Galego, José Terceiro Folgar, fíxolle entrega dun pequeno agasallo como agradecemento e, deseguido, escoitouse e visualizouse un vídeo da Agrupación Saudade de Barcelona. O socio José Luís Raposo Toja realizou a gravación do acto.

Fonte e fotos: Centro Galego de Lleida

466 lecturas