O Diario Oficial de Galicia publicou hoxe a convocatoria do novo programa de Escolas Abertas da Secretaría Xeral da Emigración que se volve a desenvolver este ano, tras tres anos de suspensión. Estas xornadas celebraranse do 6 ao 16 de xullo na Centro Superior de Hostalería de Galicia, en Santiago de Compostela. 

Este programa, dirixido ás entidades galegas do exterior, permitirá dar formación especializada ás persoas responsables de impartir docencia en actividades de cultura tradicional galega, de confección de traxes tradicionais galegos e de formación de persoal directivo. Como novidade, este ano desenvolverase tamén formación en cociña galega.

As entidades interesadas terán ata o próximo 4 de maio para presentar as súas propostas. 

A Secretaría Xeral da Emigración farase cargo da organización destes cursos e do custo da estadía, así como das viaxes de ida e volta das persoas participantes.