A delegada da Xunta no Uruguay, Elvira Domínguez, participou no tradicional Xantar de Irmandade no Centro Alma Galega de Montevideo e entrega do premio Castelao 2024. Unha gran afluencia de público asistiu a esta celebración de confraternidade da colectividade galega.

Representantes de todas as institucións, así como as autoridades da embaixada e do consulado, estiveron presentes para acompañar ao galardoado que recibiría o Recoñecemento Castelao. Este importante premio é outorgado anualmente pola Federación de Asociacións Galegas a unha persoa ou organismo que destaca pola súa actuación en favor da colectividade galega.

Neste ano 2024, o Recoñecemento Castelao foi entregado polo presidente, o Dr. Carlos Zubillaga Barrera, quen conta cun extenso currículo que o avala para recibir este recoñecemento. A delegada da Xunta en Uruguai destacou a importancia da colectividade galega e reafirmou o compromiso da Xunta de Galicia coas iniciativas que fortalecen os vínculos entre Galicia e a súa colectividade en Uruguai.