A delegada da Xunta no Uruguai, Elvira Domínguez, asistiu aos diferentes actos celebrados polo Día das Letras Galegas en varias das entidades de Montevideo, como A Casa de Galicia, o Patronato da Cultura Galega, O Centro Gallego e o Club SC y de Bolos Valle Miñor. 

Elvira Domínguez agradeceu o labor de toda a colectividade galega no Uruguai polo traballo que realizan en prol da nosa cultura e, por suposto, da nosa lingua, destacando a elevada participación de persoas asociadas e simpatizantes nos actos celebrados nos últimos días e que tiveron á figura de Francisco Fernández del Riego como eixe central. Cómpre lembrar tamén que o vindeiro sábado será o CRC Alma Gallega da capital uruguaia quen celebre a gran festa da nosa cultura.