A delegada da Xunta no Uruguai, Elvira Domínguez, asistiu ao acto co que o Centro Gallego de Montevideo celebrou o remate do 2022 e ao que asistiron máis de 200 persoas, entre socias e socios e simpatizantes. O evento tivo lugar no Polideportivo de Carrasco e na mesma estiveron tamén presentes o presidente da entidade, Ramón Lorenzo, a cónsul xeral de España, Victoria Scola, así como a secretaria da entidade, Beatriz Pérez Montero.

Con esta cea, o Centro Gallego de Montevideo quixo agradecer a implicación das e dos seus socios galegos nas diversas actividades que organiza a entidade, en especial, ao Consello Directivo do mesmo, animando a todas e todos a continuar a traballar por Galicia e os galegos e galegas do Uruguai durante o vindeiro 2023.