A delegada da Xunta no Uruguai, Elvira Domínguez, asistiu aos diferentes actos celebrados polo Día de Galicia en varias das entidades de Montevideo, como o Patronato da Cultura Galega, Alma Gallega ou o Centro Gallego de Montevideo. Conferencias, foliadas e xuntanzas centraron as iniciativas coas que os galegos e galegas deste país do Cono Sur desfrutaron da xornada grande de Galicia. 

Elvira Domínguez estivo, o día 25 de xullo,  acompañada nestes actos pola cónsul xeral de España, María Victoria Scola Pliego, e polos presidentes e presidentas das diferentes entidades. A Asociación Uruguaya de Amigos del Camino de Santiago celebrou unha misa na honra do apóstolo Santiago na que se cantou o himno ao apóstolo por primeira vez en 25 anos e soaron as gaitas galegas. Ao remate da mesma organizouse unha foliada. O Centro Gallego de Montevideo celebrou no Salón Valle Inclán a actuación do grupo Treboada. Finalmente, o Patronato da Cultura Galega ofreceu unha conferencia a cargo do historiador Carlos Sixirei Paredes.