O conselleiro de Economía, Emprego e Industria, Francisco Conde, e os secretarios xerais da Emigración, Antonio Rodríguez Miranda, e de Política Lingüística, Valentín García, saudaron este mediodía ás e aos participantes na cuarta edición do Encontro de Empresarios Galegos no Mundo.

Esta xuntanza de empresarias e empresarios tense convertido xa nunha cita tradicional do verán entre as e os galegos con ideas de éxito que emprenderon fóra do territorio, e que supón un relevante punto de encontro para o intercambio informal e mutuo enriquecemento de iniciativas, experiencias e ideas de emprendemento e expansión empresarial.