Os emprendedores de orixe galega de todo mundo teñen unha cita nos días 26 e 27 de outubro. Nestas datas terá lugar en Santiago de Compostela o IV Encontro de Empresarios Galegos no Exterior.

O obxectivo deste encontro é avanzar na detección de oportunidades de negocios e facilitar o establecemento de alianzas comerciais entre empresas galegas e empresarios de orixe galega no exterior.

Este ano o programa estará enfocado aos mercados dos Estados Unidos, Portugal e República Dominicana e incluirá roldas de negocios e relatorios. A Consellería de Economía e Industria promove e organiza este evento a través do Instituto Galego de Promoción Económica (Igape).

Os interesados en participar xa poden formalizar a súa inscrición a través da páxina web www.rede.galiciaexterior.es.