A Casa de Galicia de Las Palmas de Gran Canaria está a promocionar o Camiño de Santiago a través do material de traballo das e dos seus camareiros e cociñeiros, que locen nos seus traxes de faena o logo do Xacobeo 21-22.  

Deste xeito, o equipo humano está xa a utilizar gorros de cociña, mandís e camisetas co logo do Xacobeo, enviado pola Secretaría Xeral da Emigración, co obxectivo de dar a coñecer e difundir o Camiño entre os residentes galegos e galegas nesta localidade así como entre todas e todos os turistas e veciños que pasan polas súas instalacións.