O presidente da Xunta, Alfonso Rueda, presidiu a presentación da nova Estratexia Galicia Retorna 2023-2026 ante máis dun cento de distintas e distintos representantes da sociedade galega, acompañado de varias e varios membros do Goberno galego, destacando o orzamento co que xorde esta ferramenta, 450 millóns de euros, que ten como obxectivo o retorno de 30.000 galegas e galegos do exterior nos próximos catro anos.

GaliciaAberta ofrece unha galería das mellores imaxes deste acto, que serve como punto de partida para a posta en marcha dunha ferramenta que permitirá asentar poboación en Galicia e acoller aos galegos e galegas do exterior que desexan fixar aquí a súa vida e construír a súa familia.