O Centro Cultural e Recreativo Alma Gallega de Montevideo acolle nestes meses o Ciclo Mestre Mateo, unha programación especial de cinema galego que leva ás colectividades do exterior algunhas das mellores películas e documentais finalistas dos premios que outorga a Academia Galega do Audiovisual. Esta iniciativa permite achegar o audiovisual galego á diáspora e compartir co público uruguaio unha mostra da creatividade e do talento do sector cinematográfico de Galicia.

A delegada da Xunta de Galicia en Uruguai asistiu a primeira das proxeccións deste ciclo, que ofrece unha programación variada e de acceso libre, cunha ampla representación de xéneros e temáticas. A través destas sesións, Montevideo convértese nun novo punto de encontro coa cultura galega contemporánea, fortalecendo os vínculos culturais entre Galicia e Uruguai.