Oito centros galegos do exterior proxectan o próximo 26 de marzo a primeira película do Ciclo Mestre Mateo, organizado en colaboración con Emigración e a Academia Galega do Audiovisual

'O Gran Camiño' proxectarase o vindeiro sábado, 26 de marzo, en oito cidades de España, Europa e América
"O Gran Camiño" proxectarase o vindeiro sábado, 26 de marzo, en oito cidades de España, Europa e América
Listen to this page using ReadSpeaker
Santiago de Compostela, 20 de marzo de 2022.

Oito centros galegos do exterior inician o vindeiro 26 de marzo a proxección das películas e documentais finalistas aos Premios Mestre Mateo 2022 grazas a un acordo de colaboración coa Secretaría Xeral da Emigración e a Academia Galega do Audiovisual. O Gran Camiño é o filme elixido para inaugurar este ciclo de cine. 

O Instituto Argentino Gallego Santiago Apóstol de Bos Aires, o Centro Gallego de Montevideo, a Hermandad Gallega de Venezuela, o Centro Galego de Londres, a Asociación Cultural Galega De Berlín Son, o Centro Gallego de Madrid, o Lar Gallego de Sevilla e o Centro Galego de Tarragona serán as entidades que organizarán as proxeccións do Ciclo Mestre Mateo, que terán unha periodicidade mensual de marzo a decembro (salvo xullo e agosto), de xeito que se poida dar a coñecer, fóra de Galicia, o labor do sector audiovisual galego. 

234 lecturas