O delegado da Xunta na Arxentina, Alejandro López Dobarro, asistiu á reunión preparatoria para a Gran Romería Gallega xunto ás e aos presidentes e representantes das institucións e entidades galegas na Arxentina, que se celebrou no Centro Lalín, Agolada y Silleda. O acto terá lugar o domingo 26 de novembro dende as 12 da mañá no Centro Galicia de Bos Aires.

A Gran Romería Gallega contará con 300 artistas en escena e na mesma colaborarán máis de 30 institucións galegas de toda a República Arxentina. Desenvolveranse actividades culturais e gastronómicas e incluiranse sorteos e premios. Esta iniciativa está organizada pola colectividade galega no país do Cono Sur e conta co apoio da Xunta de Galicia a través da Delegación da Xunta na Arxentina.