O XI Congreso Internacional da Asociación Internacional de Estudos Galegos celebrarase en Bos Aires do 6 ao 8 de abril

As persoas que o desexen poderán participar -previa inscrición e sen custo algún- como ouvintes nas sesións do Congreso.

XI Congreso Internacional da Asociación Internacional de Estudos Galegos
XI Congreso Internacional da Asociación Internacional de Estudos Galegos
Listen to this page using ReadSpeaker
Bos Aires, 7 de marzo de 2015.

Encóntrase aberta a inscrición para participar como oíntes nas sesións do XIº Congreso Internacional de Estudos Galegos, que terá lugar entre o 6 e o 8 de abril deste ano na cidade de Bos Aires.

Dada a capacidade limitada dos espazos onde se desenvolverán as sesións, as persoas interesadas en asistir ás disertacións que -a propósito de múltiples aspectos da realidade Galicia- brindarán ducias de expertas e expertos chegados de diversos países, deberán anotarse o antes posible (sen custo ningún) enviando un correo electrónico a camposdebora@gmail.com. No asunto deste deberá figurar "Ouvinte no Congreso", e o texto do correo-e incluír o nome e apelido da persoa ou persoas interesadas. As persoas que se inscriban recibirán o programa xeral do congreso cos horarios de cada actividade académica co fin de facilitar a elección ao momento de participar.

928 lecturas