Se Londres sempre foi o destino favorito das e dos que xa decidiron poñer terra de por medio antes de que España comezase a desincharse, agora máis que nunca o chan británico, como o de todo o norte de Europa, converteuse na terra prometida para o talento español, sobre todo o máis creativo, que teme consumirse se non apura a cruzar rapidamente os Pireneos. Falan un español perfecto e algúns mesmo xa conseguiron un inglés fluído. As e os recén chegados deféndense como poden, pero todos buscan, ou buscaron cando tomaron a decisión de facer as maletas, un punto de partida nunha cidade grande e distinta, non o suficientemente lonxe para algúns ou algunhas e demasiado chea de persoas estranxeiras, que non ingleses ou inglesas, para a maioría. Un lugar que presume de dar a benvida aos seus inquilinos e as súas inquilinas estranxeiras cos brazos abertos. Un espellismo enganoso no que abrirse camiño é case tan difícil como noutra capital europea, no que hai pouco tempo para perder o tempo e unha competencia feroz, no que as oportunidades, que as hai, non sempre están a vista e o talento, en ocasións, pasa desapercibido por non saber ou non se poder facer ver. O galego Pablo Amade e a galega Belén Beado, e o navarro Manu Sainz, si souberon ver, non obstante, como as boas ideas de mentes españolas proliferaban desordenadamente na cidade. E decidiron facer algo ao respecto.

Asentados e asentada na que consideran a capital europea da creatividade, un lugar onde, din, non existe o medo a equivocarse, idearon e puxeron en marcha o Círculo Creativo London, unha rede social profesional independente, encamiñada a divulgar o traballo de novas e novos profesionais da fotografía, da arquitectura, artistas, do deseño gráfico ou da ilustración españois afincados en Londres.

«O noso proxecto consiste en poñer en contacto á xente e á vez en dedicar un pequeno espazo da nosa web e o noso tempo a ensinar o seu traballo». Este é, segundo Manu, o obxectivo principal desta plataforma interactiva á que, xunto coas súas amizades galegas, dá corda dende principios de outubro. «A idea xurdiu dunha necesidade de información -explica Belén-. Á hora de buscar traballos realizados por españois na cidade, só encontrábanse referencias antigas no tempo e moi escasas, é bo coñecer e valorar aos que chegaron antes e que camiños seguiron». «Decatámonos entrevistas ou información sobre os que tivesen algo interesante que compartir de que non había ningunha páxina onde encontrar», engade Pablo. E esa foi a primeira pedra. A inquietude. Un oco que debía ser cuberto. Un punto de referencia.

O primeiro directorio de creativas e creativos españois en Londres
Tres meses máis tarde, o primeiro directorio de creativos españois e españolas en Londres vai camiño de alcanzar xa as e os cen membros -entre eles, seis galegos e galegas-, supera os 600 fans en Facebook e recibe máis de 400 visitas na súa web (www.circulocreativolondon.com), centro neurálxico desta tea de araña manexada a seis mans sen apoio externo -nin institucional nin económico- nos anacos libres dos seus e a súa fundadora, portal que, dende que botou a andar, publica diariamente un perfil dalgún dos seus ou as súas profesionais, dá a coñecer iniciativas ou proxectos das e dos creativos e conta cun foro exclusivo que mantén en contacto a todos aqueles e aquelas que teñan un perfil no Círculo.

Pero as cifras non son o único froito do esforzo de Balado, Sainz e Amade, que xa planean o primeiro encontro de profesionais creativos na cidade -para «poñerse cara» e «compartir experiencias»- mentres compaxinan a súa dedicación ao Círculo Creativo coas súas xornadas laborais particulares. «Se ten éxito», comentan, esta reunión precederá a futuras exposicións ou eventos, o seguinte paso no seu empeño por servir de altofalante informativo e potenciar a «marca España» e a dos seus creativos e creativas. «Isto supón moito máis traballo do que pensabamos, nun principio só queriamos traballar os fins de semana porque cada un ten o seu propio traballo, pero ao final é imposible, se o queremos facer ben hai que estar aí constantemente -conta Manu-. Penso que o que nos motiva é sacar unha idea adiante e poder axudar á xente».

Pero e na práctica?, serve realmente de algo unha plataforma social profesional en Internet? «Grazas ao Círculo Creativo London, hai xente que se puxo en contacto para buscar e ofrecer traballo -continúa o pamplonés-. Hoxe en día a comunicación sufriu unha evolución que aínda non nos podemos imaxinar, estamos a tan só un clic de moita xente e esta ferramenta, este lugar de encontro, facilita moito esta acción».

Belén corrobora as palabras do seu colega: «Xurdiron varios proxectos de colaboracións entre creativos que se coñeceron a través da plataforma. Ademais creamos un foro, ao que todo aquel que sexa español e estea rexistrado pode acceder, co obxectivo de poñer en marcha unha ferramenta de asesoramento que, día a día, vai nutrindo cos coñecementos de todos os que forman parte deste,». «Este proxecto é, sen dúbida, inspiracional -recalca Pablo-. Dá a coñecer realidades de profesionais que o tiveron que currar moito para chegar onde están. E iso á xente, sobre todo á xente que non está segura, faille pensar e formularse cousas, dar o paso. Porque en moitas ocasións non é doado abandonar a túa rede de contactos, a túa familia, o teu país... De feito, chámanos a atención a cantidade de visitas que recibimos na web dende España. Hai curiosidade e iso é bo».

Talento «made in Spain»
Como persoas creativas que son, esta e estes colegas, amigas dende hai anos, consideran a crise unha oportunidade. Convencidos de que a actual situación económica, en lugar de eclipsar o talento, pode entenderse como un auxe de ideas, aseguran que España conta con grandes profesionais que son todo un referente nos seus respectivos campos. «Cando empezamos a recompilar nomes sorprendéronnos as súas carpetas -conxunto de traballos- e currículos», recoñece Pablo. «A nosa creatividade non ten nada que envexar a ningunha outra, haxa crise ou non». E niso radica, en crer nela, o seu empeño en sacala a flote. «A recesión en Londres nótase moito menos, a música non deixou de soar dende que chegamos, hai oportunidades e isto atrae moita positividad e ganas de arriscarse. Londres foi sempre sinónimo da innovación. Unha ventá de tempo na que non se sabe se algo funciona ou non funciona, simplemente é novo e polo tanto digno de respecto, conclúe o ferrolán».

Fonte e foto: La Voz de Galicia