A Semana Grande de África, organizada pola Asociación Aida (Asociación para a Integración e Desenvolvemento do Africano) clausurouse o día 30 de outubro, logo de tres días de celebración. Así, o día 28 inaugurouse unha exposición de indumentaria africana; o 29 presentouse o libro Un ensayo sobre la violencia (en las fronteras de lo humano), de Eloy Cuadra Pedrini e o sábado finalizou a Semana Grande de África 2010 coa xornada dedicada á gastronomía.

Durante a súa intervención, o subdirector xeral do Retorno e da Inmigración, Antonio Aguarón Turrientes, animou aos organizadores a continuar con actuacións como a que hoxe foi clausurada, tendentes non só a dar a coñecer outras culturas, senón a potenciar a convivencia intercultural entre todos os habitantes da nosa comunidade, ao tempo que mostrou o compromiso da Secretaría Xeral da Emigración de traballar neste obxectivo.