O secretario xeral da Emigración recorda en Onda Cero que o Goberno galego sempre apoiou a derrogación definitiva do voto rogado

O secretario xeral da Emigración destacou a satisfacción institucional pola aprobación definitiva no Senado, xa que  “é de xustiza” e facilita a participación nas eleccións dos galegos e galegas do exterior sen minguar as garantías das e dos inscritos no CERA.

Miranda foi entrevistado en 'La Brújula de Galicia' de Onda Cero
Miranda foi entrevistado en "La Brújula de Galicia" de Onda Cero
Listen to this page using ReadSpeaker
Santiago de Compostela, 23 de setembro de 2022.

O secretario xeral da Emigración, Antonio Rodríguez Miranda, destacou en Onda Cero Galicia a satisfacción do Goberno galego pola aprobación definitiva da derrogación do voto rogado, trala súa aprobación  no Senado, recordando que a institución autonómica sempre apoiou este cambio “por ser unha cuestión de xustiza”.

Miranda recordou que o Goberno galego sempre apostou pola substitución do voto rogado por outro procedemento que favoreza a aportación das papeletas en urna e facilite a participación sen minguar as garantías para as e os inscritos no Censo Electoral de Residente Ausentes, CERA. 

“Coa eliminación do voto rogado, apóstase por un sistema áxil, seguro e transparente para facilitar o acceso ao voto a todos os galegos residentes no exterior”, engadiu en Onda Cero o secretario xeral da Emigración, matizando que o “voto por correo manteríase como unha opción válida para aquelas persoas que non poidan achegarse aos lugares establecidos”.

  • Audio - Entrevista ao secretario xeral da Emigración | Descargar
145 lecturas