O Instituto Santiago Apóstol de Bos Aires celebrou o Día das Letras Galegas cunha homenaxe ao ensaísta e editor de Vilanova de Lourenzá, Francisco Fernández del Riego. Entre outras actividades, o alumnado levou a cabo unha lectura de textos alusivos e presentou un baile con voz en directo baseado na Muiñeira de Novoneyra. 

Bailes tradicionais, coro escolar e unha conferencia sobre a personalidade de Fernández del Riego da man do escritor arxentino-galego Luis González Tosar, completaron as actividades, que afondaron no mundo novo que o autor homenaxeado este ano descubriu cando se achegou por primeira vez a Bos Aires, da man de Luis Seoane.