Os centros galegos da Arxentina desenvolveron nos últimos días diversos actos para enxalzar a figura do ensaísta e editor Francisco Fernández del Riego a quen se dedicou este ano o Día das Letras Galegas. O delegado da Xunta neste país, Alejandro López Dobarro, acompañou a algunhas destas entidades, destacando a importancia da colectividade para manter a cultura e a lingua galegas entre as e os galegos residentes no país do Cono Sur.

Na seguinte galería de imaxes podemos ver as diferentes actividades desenvolvidas polo Centro Gallego de La Plata, o Centro Gallego de Avellaneda, o Centro Gallego de Socorros Mutuos Cultural y Deportivo de Comodoro Rivadavia, a Asociación Galega de Residentes de Mos de Mutualidad, Cultura y Recreo, o Centro Gallego de Santa Fe, o Centro Gallego Asociación Mutual Social Cultural y Recreativa de Rosario, o Centro Gallego de Mar del Plata e o Centro Gallego de Río Gallegos.