O delegado da Xunta de Galicia na Arxentina, Alejandro López Dobarro, mantivo unha reunión con Norma Abdala de Matarazzo, deputada provincial do Frente Cívico e presidenta provisional da Cámara de Deputados de SDE co obxectivo de estudar posibles colaboracións na difusión da cultura do Xacobeo.

Segundo lle trasladou Norma Abdala a Alejandro López Dobarro, o poder lexislativo da  provincia de Santiago del Estero está interesado en dar a coñecer o Camiño de Santiago e, deste xeito, solicitáronlle ao delegado da Xunta na Arxentina o traslado dunha exposición sobre este motivo para a próxima Semana Santa. O obxectivo é estreitar vínculos con Galicia, en especial, xa que que o día no que celebran a festividade da súa provincia é o 25 de xullo, Día de Galicia.