O delegado da Xunta en Bos Aires, Alejandro López Dobarro, participou en Luján na inauguración da exposición 'Iacobus Gaudet: Los caminos de Santiago en Galicia', unha proposta que permite ao público arxentino achegarse á dimensión histórica, cultural e espiritual dos itinerarios xacobeos.

O Camiño de Santiago continúa a ser un dos grandes símbolos que conectan Galicia co mundo.

A mostra, obra do fotógrafo Manuel Valcárcel, ofrece un percorrido visual polos distintos camiños en Galicia e poderá visitarse ata o 2 de maio.

Unha iniciativa que reforza os vínculos coa colectividade galega e proxecta a nosa cultura máis alá das nosas fronteiras.