O Club Galicia de Bonn organizou unha camiñada de dez quilómetros que saíu dende a emblemática Catedral de Bonn seguindo as cunchas do Camiño de Santiago que percorren parte do tramo que circula por esta cidade do estado xermano de Renania do Norte-Westfalia. 

Ao final do traxecto houbo un reparto de camisetas entre os socios e socias do Club Galicia. O Club Galicia de Bonn foi fundado en 1980 e serve como encontro intercultural para galegas e galegos residentes en Alemaña a través do deporte e da música e da cociña galegas.