O secretario xeral da Emigración, Antonio Rodríguez Miranda, mantivo un encontro de traballo con Juan Alvite, unha das figuras máis representativas da colectividade española asentada en Río de Xaneiro, no Brasil. A reunión permitiu facer balance da situación actual dos galegos neste estado brasileiro e analizar os principais retos aos que se enfronta a comunidade este ano que comenza.

Durante a xuntanza, Rodríguez Miranda puxo en valor a traxectoria e o compromiso de Juan Alvite co asociacionismo galego e español en Río de Xaneiro, destacando o seu labor á fronte de entidades de referencia como a Casa de España. O secretario xeral agradeceu expresamente o traballo continuado desenvolvido ao longo dos anos para manter viva a cultura galega e reforzar os lazos coa terra de orixe.