Miranda reúnese en Áraba coa directiva do Centro Galego para coñecer as actividades que están a organizar co gallo do Ano Santo Xacobeo

Imaxe da reunión na sede da entidade galega en Vitoria
Imaxe da reunión na sede da entidade galega en Vitoria
Listen to this page using ReadSpeaker
Santiago de Compostela, 28 de maio de 2021.

O secretario xeral da Emigración, Antonio Rodríguez Miranda, visitou a pasada fin de semana o Centro Galego de Áraba co obxectivo de interesarse pola situación dos galegos e galegas residentes en Euskadi así como para coñecer as actividades que se están a preparar de cara á promoción do Xacobeo.

O encontro tivo lugar coa directiva da asociación, coa súa presidenta á cabeza, Mónica Calvo, e durante o mesmo puxéronse sobre a mesa cuestións como a situación que viviu o centro durante a pandemia, o peche da sede e a transformación das actividades presenciais, así como a actual recuperación da vida habitual da asociación, o que supón xa a posta en marcha de diversas actividades relativas á potenciación do Ano Santo Xacobeo entre as e os galegos residentes nesta provincia do País Vasco e entre os propios veciños e veciñas de Vitoria.

658 lecturas