O secretario xeral de Emigración, Antonio Rodríguez Miranda, visitou hoxe, xunto a representantes de todas as entidades galegas da Comunidade de Madrid, o novo Espazo Gastronómico do Centro Gallego de Madrid, un punto de encontro para a comunidade galega na capital. Durante o acto, ao que asistiron representantes dos diferentes Centros Galegos de Madrid, os asistentes puideron degustar unha selección de produtos típicos de Galicia, destacando a calidade e tradición da nosa gastronomía.

Este espazo, que busca achegar os sabores e a cultura galega a todos, reforza o papel do Centro Gallego de Madrid como referente para a colectividade galega e toda a cidadanía.