A Sociedade Parroquial de Vedra en Bos Aires celebrou hoxe o seu 115 aniversario cunha festa na súa sede social, que contou coa participación do secretario xeral da Emigración, Antonio Rodríguez Miranda, quen trasladou en nome da Xunta de Galicia o recoñecemento ao traballo que a entidade vén desenvolvendo dende hai máis dun século.

Miranda destacou que a Sociedade de Vedra “é un exemplo do que significa a galeguidade viva: unha entidade que soubo adaptarse aos tempos sen renunciar as súas raíces, mantendo o espírito de comunidade e o vínculo coa terra”.

Durante o acto, estivo acompañado polo delegado da Xunta en Bos Aires. Alejandro López Dobarro, no que participaron tamén o alcalde de Vedra, Carlos Martínez Carrillo, e representantes da colectividade galega en Arxentina. Houbo espazo para a música, a gastronomía tradicional e a emoción compartida entre distintas xeracións de galegos residentes na Arxentina.