O secretario xeral da Emigración, Antonio Rodríguez Miranda, asistiu hoxe en Miranda de Ebro, Burgos, á celebración do Día de Galicia en Castela e León onde agradeceu ás entidades galegas o traballo en prol da cultura de Galicia e a promoción da lingua galega, así como o apoio e coidado dos galegos e galegas residentes nesta comunidade autónoma. 

Ao acto asistiron, ademais do secretario xeral e das autoridades locais, numerosas e numerosos membros procedentes dos centros galegos de Burgos, Salamanca, a propia Miranda de Ebro e Ponferrada. As e os asistentes puideron desfrutar de distintas actuacións como as das agrupacións musicais e corais das entidades destas catro localidades.