Miranda destaca que “o carácter plural e integrador dos galegos conforma a identidade universal do noso pobo” durante o 54º Capítulo da Orde da Vieira

  • Imaxe do LIVº Capítulo da Enxebre Orde da Vieira celebrado na capital de España
    Imaxe do LIVº Capítulo da Enxebre Orde da Vieira celebrado na capital de España
  • Imaxe do LIVº Capítulo Xeral da Enxebre Orde da Vieira celebrado na capital de España
    Imaxe do LIVº Capítulo Xeral da Enxebre Orde da Vieira celebrado na capital de España
LIVº Capítulo da Enxebre Orde da Vieira
Listen to this page using ReadSpeaker
Madrid, 14 de maio de 2022.

O secretario xeral da Emigración, Antonio Rodríguez Miranda, asistiu onte á noite ao 54º Capítulo da Enxebre Orde da Vieira que se celebrou en Madrid e no que fixo unha sentida homenaxe de recordo ao Gran Chanceler desta Orde, Enrique Santín, así como destacou o “carácter plural e integrador dos galegos que conforma a identidade universal do noso pobo”.

Na súa intervención, Miranda tamén agradeceu o compromiso de tódalas e tódolos membros da Orde da Vieira coa galeguidade, destacando “todo o que fixeron, fan e farán por Galicia”, en especial, facendo unha mención agarimosa ao que foi un dos seus principais referentes durante 50 anos, Enrique Santín, recordando “que a súa relevancia profesional e cultural comprometida coa causa da galeguidade, permítennos incluílo, sen dúbida, entre os bos e xenerosos que menciona o noso himno”.  No acto de onte nomeáronse máis dunha ducia de novas e novos confrades da Orde, facendo aínda máis universal esta senlleira entidade, así como se fixo entrega de varios recoñecementos a galegas e galegos destacados polo seu labor a prol da galeguidade no mundo. 

224 lecturas