O secretario xeral da Emigración, Antonio Rodríguez Miranda, continúa cos encontros telemáticos de seguimento da pandemia do coronavirus entre a colectividade galega no exterior. As e os representantes dos galegos e galegas do Uruguai foron os protagonistas da videoconferencia na que o titular do departamento galego lles informou sobre as medidas que está a tomar o Goberno galego en relación á crise xerada pola covid-19, e actualizou a información sobre a evolución desta epidemia no país andino.

Na videoconferencia presidida por Miranda participaron responsables do Patronato da Cultura Galega, o Centro Gallego de Montevideo, a Casa de Galicia de Montevideo, o Hogar Español de Montevideo, o Centro Cultural y Recreativo Hijos de Galicia, o Centro Social Cultural Bergantiños, o Centro Pontevedrés Social e Deportivo de Montevideo, o Centro Ourensán de Montevideo, o Centro Social Cultural e Deportivo de Bolos Valle Miñor, e o Centro Cultural y Recreativo Alma Gallega.