O secretario xeral da Emigración, Antonio Rodríguez Miranda, recibiu hoxe no seu despacho ao vicepresidente do Lar Galego de Chile, Arturo Vasques, co obxectivo de reforzar a colaboración coa entidade e coñecer de primeira man as necesidades e proxectos da colectividade galega residente neste país latinoamericano.

Miranda destacou a traxectoria do Lar Galego como referente da cultura galega en Chile e puxo en valor o compromiso desta entidade coa difusión das tradicións, da lingua e da cultura galega. Así mesmo, reiterou o apoio da Xunta ás iniciativas que permiten manter vivo o vínculo coa terra de orixe e transmitilo ás novas xeracións.