O secretario xeral da Emigración, Antonio Rodríguez Miranda, asistiu hoxe en Córdoba á XII Xuntanza de Centros Galegos en Andalucía, Estremadura e Ceuta, onde estiveron presentes máis de dous centenares de socias e socios das diferentes entidades, celebrando unha xornada de irmandamento na que se puido desfrutar de actuacións culturais e musicais galegas e coñecer o patrimonio artístico da cidade anfitrioa. 

Ao acto asistiu o alcalde de Córdoba, José María Bellido, o consejero de Sanidad da Junta de Andalucía, Jesús Aguirre, a delegada del Gobierno da Junta de Andalucía, María Jesús Botella, o presidente da Diputación Provincial, Antonio Ruíz, e o presidente da Federación de Centros Galegos de Andalucía, Estremadura e Ceuta, José Antonio Otero. Entre as entidades asistentes atopáronse a Casa de Galicia en Córdoba, a de Huelva, a de Badajoz, así como o Lar Gallego de Sevilla, o Centro Gallego de Málaga e a Asociación Centro Gallego de Ceuta.